ပေါင်းတည်မြို့၏
ယုံကြည်အားအထားရဆုံး

၁၉၆၄ ခုနှစ်တွင် နတ်တလင်းမြို့၊ ဗိုလ်ချုပ်လမ်း၌ ဦးပေါ်စိန် + ဒေါ်ကျင်ဆိုင် တို့မှ “နတ်တလင်း မိသားစုရွှေဆိုင်” ကို စတင်မျိုးစေ့ချ စိုက်ပျိုးခဲ့ပါသည်။ စတင်တည်ထောင်စဉ်ကပင် ရွှေအရောင်းအဝယ်အပြင် အပေါင်ဆိုင်လုပ်ငန်းကိုပါ ပူးတွဲလုပ်ကိုင်ခဲ့ပြီး၊ ဖခင်ဖြစ်သူ ဦးပေါ်စိန်၏ ရိုးသားဖြောင့်မတ်မှု၊ မိခင်ဖြစ်သူ ဒေါ်ကျင်ဆိုင်၏ ထက်မြက်သော စီးပွားရေးအမြင်နှင့် သားဖြစ်သူ ဦးမြင့်အောင်၏ စံပြဖြစ်သော ရွှေအရည်အစပ်ပညာတို့ကြောင့် “မိသားစု” ဟူသော အမည်နာမသည် လူထုကြားတွင် ခိုင်မာသော ယုံကြည်မှုနှင့် နာမည်ကောင်းကို ရရှိခဲ့ပါသည်။

ပေါင်းတည်မြို့သို့ ခြေဆန့်ခြင်းနှင့် မျိုးဆက်သစ်ခြေလှမ်း

၁၉၈၈ ခုနှစ်တွင် သမီးဖြစ်သူ ဒေါ်အေးအေးမွန်သည် ပေါင်းတည်မြို့မှဦးဌေးလွင်နှင့် ဖူးစာဆုံခဲ့ပြီးနောက်၊ ၁၉၈၉ ခုနှစ်၊ နိုဝင်ဘာလ ၁ ရက်နေ့တွင် ပေါင်းတည်မြို့ ဈေးဆိုင်တန်း (၇ လမ်းနှင့် ၆ လမ်းဒေါင့်) ၌ “ပေါင်းတည် မိသားစုရွှေဆိုင်” ကို အောင်မြင်စွာ တိုးချဲ့ဖွင့်လှစ်နိုင်ခဲ့ပါသည်။ ထို့နောက် ၁၉၉၃ ခုနှစ်၊ ဧပြီလ ၉ ရက်နေ့တွင် ယခုလက်ရှိ ၇ လမ်းရှိ အိမ်ဆိုင်အဖြစ်သို့ ပြောင်းရွှေ့အခြေစိုက်ခဲ့သည်။

ပေါင်းတည်မိသားစုရွှေဆိုင်သည် စတင်တည်ထောင်စဉ်ကတည်းက ရွှေအပေါင်လုပ်ငန်းနှင့် ရွှေပန်းတိန်လုပ်ငန်းများကို စနစ်တကျ တွဲဖက်လုပ်ကိုင်ခဲ့ပြီး၊ “ရွှေအရည်အသွေး မှန်ကန်မှု” ကို အဓိက အသက်သွေးကြောအဖြစ် တန်ဖိုးထား ဆုပ်ကိုင်ခဲ့သည်။ ဧည့်သည်တော်များအပေါ် ထားရှိသော စေတနာ၊ မှန်ကန်သောရွှေအရည်အသွေးနှင့် ရိုးသားမှုတို့ကြောင့်ပင် ပေါင်းတည်မြို့၏ ထိပ်တန်းရွှေဆိုင်တစ်ဆိုင်အဖြစ် ရေရှည်ရပ်တည်လာနိုင်ခဲ့ခြင်း ဖြစ်သည်။

ယနေ့အချိန်တွင်တော့ ခေတ်အဆက်ဆက် ထိန်းသိမ်းလာခဲ့သော စေတနာနှင့် လုပ်ငန်းအစဉ်အလာများကို ဦးဌေးလွင် + ဒေါ်အေးအေးမွန် တို့၏ တတိယမြောက် မျိုးဆက်သစ် သားသမီးများမှ ခေတ်စနစ်နှင့်အညီ ပိုမိုကောင်းမွန်သော ဝန်ဆောင်မှုများဖြင့် ဆက်လက်ဦးစီး မောင်းနှင်လျက်ရှိပါသည်။